FØRDE GLASSMAGASIN BLOGGEN

fredag 23. mars 2018

VI DEKKER MED EIN FRANSK JUBILANT

Franske Pillivuyt er 200 år no i 2018, vi er sjølvsagt med på feiring av kvalitetsserviset i slitesterkt porselen.

No har vi fylt opp hyllene med deler som tåler temperatur frå frysaren til steikeomnen, faktisk heilt bokstavleg talt. Paien du laga og sette i frysaren, kan du ta ut og sette rett i steikeovnen for å gi den ein lunk.

Med serviset dekker du både festbordet og kvardagsbordet, og dei eldfaste formene er så fine at du kan setje dei på bordet, og maten blir eit midtpunkt.

Former med flat botn kan du bruke på grillen, forutsatt at du har væske i botnen av forma. Det er heilt perfekt no som grillsesongen står for døra

Vi lot Pillivuyt møte maten til Linda Stuhaug, ein flott kombinasjon av kvalitetsservise og kvalitetsmat.

Velbekomme!

Den ikoniske suppeskåla.

For oppskrift, følg linken

Alt-i-ovnen laksemiddag

Sjokolade kake og kaffi er den perfekte desserten!

For oppskrift, følg linken

Lompelasagne for alle

For oppskrift, følg linken

Sukkerfri smuldrepai med jordbær og bringebær

Linda Stuhaug er matbloggar og forfattar som deler oppskrifter og

tips om korleis vi enkelt kan bruke sunn mat i kvardagen vår.

Tusen takk til deg Linda som lar oss dele oppskriftene dine!

Din gode mat er perfekt å tilberede i Pilluvyt sine ildfaste former,

og serverepå det kvalitetssterke porselensserviset.

Alle bilete er tekne av Ingeborg K. Indrebø for

Førde Glassmagasin. Lån gjerne bilete, men krêditer oss.

søndag 11. februar 2018

INSPIRASJON TIL BRYLLUPET DITT

22, februar arrangerer vi bryllupskveld i butikken vår. Denne
kvelden er for deg som skal gifte deg. Du vil oppleve ein butikk i

bryllupsmodus. Vi hjelper deg med å lage gåvelister, vi har giveaways,

utlodning og leverandørbesøk. Vi håper du kjem og får inspirasjon til

nettopp ditt bryllup.

I fjor gifta Andrea Solheim Kirketeig og Øyvind Kirketeig Solheim seg,

dei hadde liste hos oss og var veldig fornøgde med det.

Å bli vist rundt og bli fortalt kva som var vanleg å ønske seg
både av type og mengde ting, var til god hjelp for oss
då vi var litt usikre i "bryllupsrusen" vi var i, seier Andrea.

Dei som handla gåver, brukte lista godt.
Andrea og Øyvindfekk alt dei ønska seg

FOTO NR 1, 2, 3, 4 OG 6 ER TATT AV SILJE MOWATT OG NR 5 ER PRIVAT

TUSEN TAKK TIL ANDREA OG ØYVIND SOM DELER SINE

ERFARINGAR MED OSS!

mandag 15. januar 2018

NÅR DAGANE VERT LYSARE

Det er januar, og jula er over, lune, koselege desember har gått over til lysare

tider. Vi ryddar vekk julepynten, og gleder oss over at dagane vert lengre.

Og det skjer det same kvart år, etterjulsvinteren gir oss lyst til å

finne fram lysare fargar rundt oss, juleblomstene vert bytta

ut med nye planter og fargerike blomster.

Det treng ikkje vere så mykje, ei pute i vårlege fargar kan vere nok.

Ei fargeglad primula på bordet, nye grøne planter, kjenner du kjensla?

Pastellfarga ferske tulipanar, vi elskar det!

Ei ny pute, ein grøn plante.

Pastellfarga kaffikoppar, ein lysegrøn vase.

Tulipanar, den kjensla!

Glade fargar.

Fargerikt brett på bordet er til å bli glad av!

Svibelen frå jul står framleis fint.

Nye planter i nye pottter.

Sidebordet ved sofaen har ôg fått grønt følgje, og kaffikoppen

og puta seier at det snart er vår.

Produkt frå butikken vår som vi har brukt i dette innlegget:

Pute og krus Pieni Unikko frå Marimekko

Wire base og Wire pot frå Menu

Pledd frå Røros Tweed

Hammershøi thermokru frå Khäler

Tiara rundt brett frå Marimekko

Flower vase oliven opal frå Marimekko

Little bird frå Normann Copenhagen

Ball vase frå Cooee

Block bord frå Normann Copenhagen

Lyngbyvase

Alle bilete er teke av Ingeborg K. Indrebø for Førde Glassmagasin

Kreditèr oss om du vil låne nokre av dei

søndag 17. desember 2017

DEKK BORDET TIL JUL

Jula er for mange den høgtida vi verkeleg vil dekke flotte bord og

ta i bruk det finaste vi har i skuffer og skap. No kjem det fram,

krystallet, det finaste serviset og bestikket, og vi blandar

gjerne gammalt og nytt på festbordet.

Vi brukar heildekkande dukar og pyntar med blomster og lys.

Middagsbordet i jula skal skine, og her vil vi

gjerne dele med deg korleis vi dekker festbordet.

Julefrukosten er eit viktig måltid. og bordet dekkar

vi med flotte Marimekko. Å kombinere det kvite med

det raudruta er jo lekkert!

Naturfargar frå dei små trea og nøttene kler bordet,

og jula sine planter er eit sjølvsagt følgje.

Det skal ikkje så mykje til for å dekke det same bordet og

få til eit anna uttrykk. På bordet under har vi bytta ut noko av

raude med litt utradisjonelle fargar. Dei brune vasane frå Cooee

demper ned fargane frå det forrige bordet, og dei klassiske

juleblomstene er bytta ut med furukvister og burgunder blad.

Dette gir eit roleg bakteppe for det gode måltidet og samværet.

Håpar du fekk inspirasjon til å pynte ditt eige julebord.

Så ønsker vi deg ei fin og fredfylt jul!

Produkt frå butikken vår som vi har brukt i dette innlegget:

Albaglas frå Magnor

Boblen vaser frå Magnor

Servise Blue Elements frå Royal Copenhagen

Lysestakar Alfredo frå Georg Jensen

Julepynt frå Georg Jensen

Spisebrikker frå LIND DNA

Servise frå Marimekko

Skåler frå Iittala

Glas frå Holmegaard

Maya bestikk frå Stelton

Nobili lyslykter frå Kahler

Ball vasar frå Cooee Design

Spruce juletre i ask frå Skagerak

Alle bilete er teke av Ingeborg K. Indrebø for Førde Glassmagasin

Kreditèr oss om du vil låne nokre av dei

onsdag 18. oktober 2017

FØRDE GLASSMAGASIN SATSAR PÅ NETTBUTIKK

Vi er stolte av å kunne tilby kundane våre ein flott nettbutikk. Førde Glassmagasin er medlem av Designforevig-kjeda, alle butikkane i kjeda har danna nettbutikken saman, og er dermed medeigarar av denne.

Designforevig har valgt å la butikkane i kjeda halde på sitt særpreg. Du vil finne eit vareutval som kan variere frå stad til stad, men ein stor del av varene vil du finne i alle butikkane.

Det er her nettbutikken blir eit supplement.

Du kan no gå inn på nettbutikken der du kan velge om du vil ha varene tilsendt eller hente dei i butikk. Blir varene henta hos Førde Glassmagasin, vil heile fortenesta bli verande i butikken vår.

Nettbutikken er heilnorsk med administrasjon i Molde og lager i Skien.

Vår daglege leiar Anita Kirkebø Marskar, er klar over at netthandelen kan true dei lokale butikkane, og då særleg fagbutikkane, men med denne modellen håpar ho at det vil la seg gjere med handel både i butikk og på nett.

Logg inn på nettbutikken her. https://www.designforevig.no/